ඔබ සැම සාදරයෙන් පිළිගනිමු.   "ඉගෙනුමට මුල් තැන"  - පළාත් අධ්‍යාපන දෙපාර්තමේන්තුව උතුරුමැද පළාත.
මුල් පිටුව
19th, March, 2024
අ/හබරණ ද්විතීක පාසල උදාවන නත්තලේ සතුට බෙදා ගත් අයුරු
ළඟ ළඟ එන උදුවප් මහේ සීතලත් සමඟින් 2016.11.29 වන දින, කැකිරාව කලාපයේ අ/හබරණ ද්විතීක පාසලේ ඉගෙනුම ලබන සුළුතරයක් කතෝලික දරුවන් බහුතරයක් වූ බෞද්ධ දරුවන් සමඟ නත්නලේ සතුට බෙදා ගන්නා ලද්දේ ආගමික සහජීවනය ආදර්ශ කොට ගෙනයි. මෙහිදී උදෑසන පාසලේ ආචාර්ය සේනාධිරියාගම ධම්මරතන ස්වාමීන් වහන්සේ සුපුරුදු පරිදි සියල්ලන් සමඟ බෞද්ධ වත්පිළිවෙත් ඉටුකරන ලදී. ඉන් පසු අප පාසලේ ගරු විදුහල්පති ගාමිණී ඒකනායක මැතිතුමාගේ අධීක්ෂණය යටතේ ගරු කතෝලික පැවිදි සොයුරියගේ ප්‍රධානත්වයෙන් අනෙකුත් කතෝලික ගුරු බවතුන් තිදෙනා කතෝලික දරුවනුත් සමඟ නත්තලේ අසිරිය වේදිකාවට ගෙන එන ලදී. මුලින්ම දැරියන් තිදෙනෙක් නත්තලේ සතුට නමින් ගීතයකට දැකුම් කළු නර්තනයක් ඉදිරිපත් කරන ලදී.මී ළඟටකෙටි නාට්‍යක් ඉදිරිපත් කරමින් ජේසුස්වහන්සේගේ මානුෂීයත්වය පිළිබිඹු කරන ලදී.එසේම තවත් දැරියක්නත්තලේ අරුත වන ආදරය හා සමාවදීම පිළිබඳව කතාවක් ඉදිරිපත් කරමින් වේදිකාව අරුත්බර කරන ලදී. එසේම නත්තලේ දර්ශනීය අංගයක් වන නත්තල් ගීත කිහිපයක් වේදිකාවට ගෙන එමින් සියළු දරුවන් කුල්මත් කරන ලද්දේ පාසලේ ආචාරිණී ඩබ්.පී.ප්‍රියදර්ශනී ප්‍රනාන්දු පැවිදි සොයුරියඇතුළු පිරිසයි. මෙලෙස කෙටි කාලවේලාවක් තුල නත්තලේ සතුට අරුත සමඟින් නත්තල් පණිවිඩය වන සහජීවනයෙන් ජීවත්වීම වේදිකාවට ගෙන එමින් සියල්ලන්ටම ආදර්ශයක් එක්කරමින් උත්සවය නිමාවට පත්කළහ. අප පාසලේ බෞද්ධ සහ කතෝලික ආගම් දෙකේම දරුවන් සහජීවනයෙන් මෙහි දී කටයුතු කළ ආකාරය සියළුම පාසල් වලට ආදර්ශයක් වේවා යන්න අපගේ පැතුමයි. තොරතුරු සැපයීම: පුෂ්පා නාලනි මිය.
19459 ------- A/ Habarana M.V. ------ 2012-06-16