ඔබ සැම සාදරයෙන් පිළිගනිමු.   "ඉගෙනුමට මුල් තැන"  - පළාත් අධ්‍යාපන දෙපාර්තමේන්තුව උතුරුමැද පළාත.
මුල් පිටුව
19th, March, 2024
ශ්‍රී බුද්ධ වර්ෂ 2560 වන සම්බුදු තෙමගුල උතුම් පිළිවෙතින්..
2016-05 21 වන දිනට යෙදුණු 2560 වන සමිබුද්ධ ජයන්තිය නිමිති කොට ගෙන අ/ හිරිවඩුන්න ප්‍රාථමික විද්‍යාලයේ විශේෂ වැඩසටහන් රැසක් සංවිධානය කොට තිබිණි. මේ සදහා විදුහල්පතිතුමා, M.R. ප්‍රනාන්දු මයා ,නියෝජ්‍ය විදුහල්පතිතුමිය, K.G.R. කුසුමාවති මිය සහ පාසලේ ආගමික උත්සව කටයුතු සංවිධානය කරනු ලැබු D.D.T.K. දේවගි මියගේ මෙහෙයවිමෙන් හා පාසලේ ආචාර්ය මණ්ඩලයෙත් දෙමාපියන්ගෙත් සහයෝගයෙන් පාසලේ සිසුස දරු දැරියන්ගේ සහභාගිත්වයෙනුත් මෙම වැඩසටහන් ක්‍රියාත්මක කෙරුණි . ඒ අනුව , “පිවිතුරු පරිසරයක තෙමගුල සමරමු. යන තේමාව යටතේ 2016-05- 18 බදාදා දින ගුරුභවතුන් ඇතුළු පාසලේ සියලුම සිසු දරු දැරියන් එක්ව පාසල් වත්ත පිරිසිදු කිරිමේ වැඩසටහනක් පැවැත්විණ. ඒ අනුව සියලුම පන්ති කාමර හා ඒ අවට ,පාසල් වත්ත පරිසිදු කිරිම සිදු කෙරිණි .එමෙන්ම නියෝජ්‍ය විදුහල්පතිතුමිය K.G.R. කුසුමාවති මිය අවට පරිසරය මෙන්ම ආගමික ස්ථාන පිරිසිදු කිරිමේ වැදගත්කම සිසු දරු දැරියන්ට පැහැදිලි කර දෙනු ලැබිණි. තවද වෙසක් පෝයට සමගාමීව පෙර වර්ෂයේ මෙන්ම විශේෂ වැඩසටහනක් සංවිධානය කෙරුණි .“සෞන්දර්ය තුළින් සිත පහන් කරමු යන තේමාව යටතේ ,3,4,5 සිසුන් සම්බන්ධ කොට ගනිමින් වෙසක් කාඩි ඇඳීම හා ඒම වෙසක් කාඩි සදහා සදුසු කවි නිර්මාණය කිරිමට සලස්වා ඒ අතරින් තෝරා ගත් විශේෂ නිර්මාණ 5 ක් පිටපත් 500ක් පමණ පාසලේ සිසුන් අතර බෙදා දිම සිදු කෙරිණි . මේ සදහා පාසලේ ගුරු භවතුන් මෙන්ම අ/ හබරණ විද්‍යාලයේ සෞන්දර්ය හා සිංහල අංශය භාර ගුරු භවතුන්ගේද සහයෝගය ලැබුණු . ආගමට දහමට නැඹුරු වු නිර්මාණශිලීත්වයෙන් හෙබි සංවේදි යහපත් පුරවැසියෙක් අනාගතයට දායාද කරණු වස් මෙවන් වැඩසටහන් සංවිධානය කෙරුණි. එමෙන්ම වෙසක් පෝය නිමිති කොට මාපිය ගුණ සමිභාවනා වැඩසටහනක් සැලසුමි කොට තිබුණද පවතින කාලගුණික තත්වය මත එම වැඩසටහන වෙනත් දිනයකට යෙදා ගැනිමට විදුහල්පතිතුමා ඇතුළු ආචාර්ය මණ්ඩලය තිරණය කරණු ලැබිණි .එම නිසා ඒ වෙනුවෙන් පාසල තුළ සිසු දරු දැරියන් එක්ව පන්සිල් සමාදන් විම හා භාවනාමය වැඩසටහනක් නියෝජ්‍ය විදුහල්පතිතුමියගේ මෙහෙයවිමෙන් සිදු කෙරිණි. තවද “සුරකිමු පරිසරය මතු පරපුර වෙනුවෙන් යන තේමාව යටතේ , පාසලේ සිසුන් විසින් රැගෙන එනු ලැබු වටිනා පැළ රෝපණය කිරිමද සිදු කෙරිණි. “ සැරසෙමු තෙමගුලට යන තේමාව යටතේ 2016-05-20 සිකුරාදා දින පාසල වෙසක් කුඩු ,බෞද්ධ කොඩි ආදි වෙසක් සැරසිලි සුදු කෙරුණි මේ සදහා පාසලේ ගුරු භවතුන් සිසු දරු දැරියන් මෙන්ම දෙමාපියන්ද සමිබන්ධ විය . මෙලෙස අ/ හිරිවඩුන්න ප්‍රාථමික විද්‍යාලයේ සිසු දරු දැරියන් ශ්‍රී බුද්ධ වර්ෂ 2560 වන සම්බුදු තෙමගුල උතුම් පිළිවෙතින් සමරණු ලැබිණි. තොරතුරු සැපයිම: E.I.M.W.S. ඒකනායක මිය.
19486 ------- A/ Hiriwadunna V. ------ 0000-00-00