ඔබ සැම සාදරයෙන් පිළිගනිමු.   "ඉගෙනුමට මුල් තැන"  - පළාත් අධ්‍යාපන දෙපාර්තමේන්තුව උතුරුමැද පළාත.
මුල් පිටුව
18th, March, 2024
අ/හබරණ ද්විතීක පාසලේදි ඉසිඹුලන ගුරු මෑණියෝ.......
මේවන විට අ/හබරණ ද්විතීක පාසලේ සේවයේ නියැලී සිටින එම්. මානෙල් පුෂ්පලතා මිය දැනට වසර තිස්තුනක් ගුරුසේවයේ නියැලී සිට 2017.04.29 වන දින විශ්‍රාම දිවියට පිවිසීමට නියමිතව ඇත. සබරගමුව පළාතේ සුන්දර කෑගල්ල නම් වූ ගම් පියසේ ඉපදී හැදී වැඩී උසස් අධ්‍යාපනය සඳහා ශ්‍රී ජයවර්ධනපුර සරසවියට ඇතුළ්වන ඇය භූගෝල විද්‍යාව පිළිබඳ විශේෂවේදී උපාධියක් ලබන ලදී. 1984 වර්ෂයේ උතුරු මැද පළාත් පොලොන්නරුව දිඹුලන්කඩවල ම.ම. විද්‍යාලයට ගුරුපත්වීමක් ලබා සේවයට පිවිසී ඇත.එතැන සිට සහසක් දරු කැළට ගුරු මවක් වෙමින්,පො/මොරගස්වැව විද්‍යාලය,අ/හබරණ ම.විද්‍යාලය,කෑගල්ල දිවුල පල්ලේගම විද්‍යාලය,නැවත අ/ පලුගස්වැව විද්‍යාලය යන පාසල් ගණනාවක සේවය කර ඇත. මෙතුමිය අවුරුදු 13ක පමණ දිගු කාලයක් අ/ හබරණ විද්‍යාලයට සේවය කර ඇති අතර 2005 වර්ෂයේ භූගෝල විෂයේ හොදම ගුරු භවතාට හිමි ජනාධිපති සම්මානය ද ලබා ගන්නා ලදී. මෙම උදාර ගුරුමාතාව අවුරුදු 33 ක් දරුපරපුර වෙනුවෙන් කළ උත්තුන්ග මෙහෙවර වෙනුවෙන් උපහාර පුදන්නට හබරණ දරු කැළ සමඟින් ඇඳුරු මඩුල්ල 2017.04.04 වන දිනඋත්සවයක් සංවිධානය කරන ලද්දේ ව්ද්‍යාලයාධිපති ගාමිණී ඒකනායක මැතිතුමාගේ උපදෙස් හා අනුසාසනා මතයි. මෙහිදී චාරිත්‍රානුකූලව ආගම සිහිකර පොල්තෙල් පහන දැල්වීමෙන් උත්සවය ආරම්භ කරන ලදී.විදුහල්පති තුමාගේ පිළිගැනීමේ කතාවෙන් පසු එතුමිය පිළිබඳව ගුණකතන කිහිපයක් ඉදිරිපත් විය.මින් පසු අප පාසලේ ආචාර්ය සේනාධිරියා ගම ධම්මරතන ස්වාමීන් වහන්සේ විසින් ස්තෝත්ත්‍ර පත්‍රය කියවීමත් එය ප්‍රධානය කිරීමත් සිදු කළහ. මීට අමතරව නාට්‍ය හා රංග කලා,සංගීත සහ නර්තන යන අංශ වලින් එතුමිය වෙනුවෙන්ම කළ නිර්මාණ කිහිපයකින් පිරිස කුල්මත් කරන ලදී. මෙයට පසු අතීතාවර්ජනය සඳහා එත්‍රමියට අවස්ථාව ලබා දීමත්,මේ සමඟ නියෝජ්‍ය විදුහල්පති තුමියගේ කතාවත් ස්තුති කතාවත් සමඟ උත් සවයේ කටයුතු නිමාවට පත් විය. මෙම උපහාර උළෙල දරු පරපුර වෙත කෘතගුණ සැලකීමේ උදාර ගුණය කැදවූ බව මගේ හැගීමයි. තොරතුරු සැපයීම: පුෂ්පා නාලනි මිය
19459 ------- NCP/A/KK/PG/Habarana M.V ------ 2004-04-17