ඔබ සැම සාදරයෙන් පිළිගනිමු.   "ඉගෙනුමට මුල් තැන"  - පළාත් අධ්‍යාපන දෙපාර්තමේන්තුව උතුරුමැද පළාත.
මුල් පිටුව
19th, April, 2024
පුරන් කුඹුර අස්වැද්දුමෙන් නෙළූ රන්අස්වැන්න
කැකිරාව කලාපයේ පලුගස්වැව කොට්ඨාසයේ අ/හිරිවඩුන්න ප්‍රාථමික විදුහලේ ප්‍රථමවරට පැවත් වූ සාහිත්‍ය කළා උත්සවය 2015.10.30 වන දින ඉහත මාතෘකාව තේමා කරගනිමින් පවත්වන ලදී. මෙහිදී ප්‍රධාන ආරාධිත අමුත්තා වන කොට්ඨාස අධ්‍යාපන අධ්‍යක්ෂක තුමා වන ආර්.බී.ප්‍රේමරත්න මහතා සහ අනිකුත් ආරාධිත අමුත්තන් වන හිටපු විදුහල‍්පති ජී.කාරියප්පෙරුම මහතා සහ හබරන ඉසුරු පාසලේ විදුහල්පති තුමා ඇතුළු පිරිස පොල්තෙල් පහන දල්වා උත්සවයේ කටයුතු ආරම්භ කළහ. මාසයක් පුරා පන්ති මට්ටමින් පවත්වන ලද ගායන, වාදන,නර්තන,චරිතාරෝපිත,අත්අකුරු,කියවීම,රචනා,විත්‍ර වැනි තරඟ ඉසව් තුළින් තෝරාගත් දරුදැරියන් උදෙසා ත්‍යාග සහ සහතික ප්‍රධානය කරන ලදී. මෙහිදී තොරාගත් ක්‍රියාකාරකම් වලින් ඉසව් කිහිපයක් වේදිකාවට ගෙන එන ලද්දේ රැස්ව සිටි පිරිස කුල්මත් කරමින් සාහිත්‍ය රසයත් කළා රසයත් සියළු දෙනාගේම සිත්සතන් තුළට සංවේදිබවක් උද්දීපනය කරමින්ය. එමෙන්ම මෙමම සතිය තුළදී සකසා ගන්නා ලද කුඹුරු ලියද්දක් කෙටීම,පෝරුගෑම, වී ඉසීම වැනි අවස්ථා තාත්විකව දරුවන්ට දැකබලා ගැනීමට සලස්වන ලදී. එහිදී යොදා ගන්වනා උපකරණ ,සම්ප්‍රදායික වචන සහ කුඹුරක ඇති ඇළකාණු, වක්කඩ වැනි දෑ පිළිබඳව දැනුවත්වීමටත් එම අවස්ථාවලදී ගායනා කරන ජන ගී ගායනයටත් අවස්ථාව ලබා දෙන ලදී. මෙම සාහිත්‍ය උළෙල දරුදැරියන් මෙන්ම රැස්ව සිටි පිරිස දැනුමින් සහ රසාස්වාදයෙන් පෝෂණය කරන ලද්දේ නෙළූ රන්අස්වැන්න සියල්ලන් වෙත බෙදාහරිනා පරිද්දෙනි. තොරතුරු සැපයීම: නාලනී මිය
19486 ------- A/ Hiriwadunna V. ------ 2011-05-15
අමුත්තෙක් ( sithara sewwandi (A/ Hiriwadunna V. ) 2015-12-01 - 10:40:06