ඔබ සැම සාදරයෙන් පිළිගනිමු.   "ඉගෙනුමට මුල් තැන"  - පළාත් අධ්‍යාපන දෙපාර්තමේන්තුව උතුරුමැද පළාත.
මුල් පිටුව
23rd, April, 2024
දරුණු CovID-19 වසංගතය මැඩපවත්වන්න කටයුතු කරමු
පවතින වසංගත තත්ත්වය මැඩ පවත්වන්න පාසල් දරුවන් දැනුම්වත් කිරිම හා එමගින් එම පවුල් වශයෙන් නිසි පරිදි ආරක්ෂා කිරීම අපගේ ගුරුභවතුන්ට ඉතා පහසුවෙන් සිදුකල හැකි සමාජමය කාර්‍යය භාරයක් ලෙස අදහස් කරමි. (ඔබ දැනටමත් මෙම කාර්‍යයේ යෙදී සිටින්නේ නම් එම අත්දැකීම් ද බෙදා හදා ගන්නා මෙන් කාරුණිකව දන්වමි.)

නිල සංඛ්‍යාලේඛන අනුව අද දවස වනවිට ශ්‍රී ලංකාවේ ගුරු ශිෂ්‍ය අනුපාතය 1:18 කි. එය පැත්තකින් තියමු. පන්තිභාර ගුරුවරයකු ට සාමාන්‍යයෙන් අයත් වන සිසුන් ගණන 40 ක් ලෙස සලකමු. (සුවිශේෂී අවස්ථාවන් නැත්තේ ද නොවේ).

ඔබ පන්තිභාර ගුරුවරයකු නම් අනිවාර්යයෙන්ම එම පන්තියේ සිසුන්ගේ සහ/හෝ දෙමාපියන් ගේ දුරකථන අංක ඔබ සතුය. වැඩිහිටි සිසුන් ගේ නම් ඔවුන්ගේ දුරකථන අංක ඔබ සතුව බොහෝවිට ඇත. එමගින් ලක්ෂ 42 වන සිසුන් ඔබට ආමන්ත්‍රණය කල හැක. ඒ විතරක් නොවේ, පවුල් ලක්ෂ 42ක් නොවුනත් ඉතා විශාල පවුල් සංඛ්‍යාවකට ඍජුව හෝ වක්‍රව ආමන්ත්‍රණය කල හැක.

අපි මේ ඉතා විශාල ජාලය භාවිත කර පැතිරෙමින් පවතින මෙම දරුණු CovID-19 වසංගතය මැඩපවත්වන්න කටයුතු කරමු. මක්නිසාද යත්, තවමත් අපේ පාසල් සිසුන් ඔබට ඇහුම්කන් දෙන නිසාවෙනි.

ඔබට හැකි පමණ, ඔබගේ පන්තියේ සිටින සිසුන් ව සහ/හෝ ඔවුන්ගේ දෙමාපියන්ව දුරකථනය මගින් අමතන්න. එමගින්...

1. වසංගත තත්ත්වය පාලනය කිරීම සදහා ලබා දී ඇති උපදෙස් ඔවුන් පිලිපදින්නේ දැයි විමසා දැන ගන්න.

2. වසංගතය බෝවීමේ චක්‍රය ගැන දන්නේ දැයි විමසා දැන ගන්න. වැරදි නම් එය නිවැරැදි කරන්න.

3. වසංගතය පාලනය කිරීම සදහා නිවසේ හැම අයෙක්ම පිලිපැදිය යුතු කරුණු එකින් එක සරලව එහෙත් දැඩි අවධානයෙන් යුතුව දන්වන්න.

4. නිවසින් බැහැරට ගිය විටෙක පිලිපැදිය යුතු සහ නොයුතු දෑ පිලිබඳව දන්වන්න.

5. ප්‍රදේශයේ නිරෝධායනය වියයුතු එහෙත් එසේ නොවී, සැගවී සිටින සැක සහිත අය පිලිබඳව ද විමසන්න.

6. මෙහි භයානක කම වන්නේ, කෙනෙකුට මෙම වයිරසය වැළදී පැය 12 කින් පසු ඔහු/ ඇය විසින් වෙනත් අයකුට එය බෝකිරීම ආරම්භ කිරීම පටන් ගැනීමයි. එසේ වුවද ඔහු/ ඇය තමන්ට එසේ වැළදුණු බව දැනගැනීමට හැකිවන රෝග ලක්ෂණ නිකුත් කරන්නේ දින 14 කට පසුවය. එනම් දින 13 කුත් පැය 12 කාලය තුල ප්‍රථම ආසාදිතයා විසින් තමන්ට ආසාදනය වූ බව නොදැන රෝගය පතුරුවන්නෙක් බවට පත්ව ඇත. මෙන්න මේ ඉතාමත් භයානක අවධානම ගැන පෙන්වා දී ඉහත කරුණු පිළිපදින ලෙස දන්වන්න.

7. තමන්ගේ නොසැලකිල්ල, තමාගේ පවුල සහ ජාතියක් විනාශ මුඛයට ඇද දැමීමට හේතු වන බව දැඩිව තහවුරු කරන්න.

8. නිවසින් පිටට යන සෑම අවස්ථාවකදිම මුඛ ආවරණ පලදින්න කියන්න. නිවසට පැමිණි වහාම ඉතා හොදින් අත් සබන් යොදා සෝදන්න කියන්න.

9. සහාය අවශ්‍ය වන අයෙක් හෝ පවුලක් සිටින බව හදුනාගත්තොත් ඒ බව ප්‍රදේශයේ PHI මහතාට හෝ ග්‍රාම නිලධාරී වෙත දන්වන්න. තත්ත්වය සංකීර්ණ නම් වහාම ප්‍රදේශයේ පොලිසියට දන්වන්න.

එන්න, අපි අපේ මනුස්සකම අර්ථවත් කරමු.

සැකසුම : අධ්‍යාපන අමාත්‍යාංශයේ දත්ත කළමණාකරණ ඒකකයේ අධ්‍යක්‍ෂ නීල් ගුණදාස මහතාගේ Facebook ගිණුමෙ පළ කරන ලද සටහනක් ඇසුරින් සකස්කරන ලදි.
Education ------- Provincial Department of Education - NCP ------ 2020-03-24