ඔබ සැම සාදරයෙන් පිළිගනිමු.   "ඉගෙනුමට මුල් තැන"  - පළාත් අධ්‍යාපන දෙපාර්තමේන්තුව උතුරුමැද පළාත.
මුල් පිටුව
29th, March, 2024
දුෂ්කර ගුරුභවතුන්ගේ පහසුව සඳහා ජංගම සේවයක්....
අනුරාධපුර අධ්‍යාපන කලාපයට අයත් දුෂ්කර, අතිදුෂ්කර පාසල්වල සේවය කරන ගුරුවරුන්ගේ පහසුව සඳහා ඔවුන්ගේ ආයතනික කටයුතු පහසුවෙන් හා ඉක්මනින් සිදු කර දීම අරමුණු කරගනිමින් අනුරාධපුර කලාප කාර්යාලය මගින් ජංගම සේවයක් ආරම්භ කර ඇත. එහිදි මේවන විට විලච්චිය අධ්‍යාපන කොට්ඨාසයේ
අ/ සාලිය මාලා විද්‍යාලය, අ/ තක්ෂිලා විද්‍යාලය, අ/ සිද්ධාර්ථ විද්‍යාලය, අ/ සීවලී විද්‍යාලය, අ/ ගාමිණි විද්‍යාලය යන පාසල් ආවරණය කර ඇති අතර මනුප අධ්‍යාපන කොට්ඨාසයට අයත් අ/ සාලියපුර විද්‍යාලය, අ/ පුවරසන් කුලම විද්‍යාලය, අ/ පානියන්කඩවල විද්‍යාලය, අ/හැලඹගස්වැව විද්‍යාලය යන පාසල් ආවරණය කර ඇත.

මෙම වැඩසටහන මගින් ගුරුවරුන්ගේ පෞද්ගලික ලිපිගොණු වල කටයුතු සම්පූර්ණ කිරීම, ණය ඉල්ලුම් කර ඇති ගුරුවරුන් සඳහා චෙක්පත් ලබා දීම, අග්‍රහාර රක්ෂණයට අදාල ලිපි ලේඛන කටයුතු සම්පූර්ණ කර දීම ආදී සියළු කටයුතු පාසලේදීම සිදු කෙරේ.

සතියේ සෑම බ්‍රහස්පතින්දා හා සිකුරාදා දිනයකම මෙම වැඩසටහන ක්‍රියාත්මක කිරීමට නියමිතය.

එම්.එම්. හෙට්ටිආරච්චි මිය,
කලාප අධ්‍යාපන අධ්‍යක්ෂ ,
කලාප අධ්‍යාපන කාර්යාලය,
අනුරාධපුර.
Zonal Education ------- Zonal Education Office - Anuradhapura ------ 2019-06-27